Në dhjetor – Java e Filmit të Bekim Fehmiut

Si edhe vitin e kaluar, këtë vit në Kosovë do të mbahet Java e Filmit të Bekim Fehmiut. Edhe pse ende ka pak detaje rreth kësaj Jave, merret vesh...

Si edhe vitin e kaluar, këtë vit në Kosovë do të mbahet Java e Filmit të Bekim Fehmiut.

Edhe pse ende ka pak detaje rreth kësaj Jave, merret vesh se ajo do të mbahet nga 6 e deri me 10 dhjetor.

Filmi “Mbledhësit e Puplave” do të shëtisë nëpër qytete të ndryshme të Kosovës. Gjithçka do të nisë në Kamenicë, me 6 dhjetor, në orën 19:00, në Shtëpinë e Kulturës ‘Isa Kastrati’.

Me 7 dhjetor filmi shkon në Pejë, në Kinemanë “Jusuf Gërvalla”, me 8 dhjetor në Qendrën e Kulturës “Rexhep Mitrovica” në Mitrovicë, me 9 dhjetor në Ferizaj dhe më 10 dhjetor në Gjakovë, shkruan KultPlus.

Filmi “Mbledhësit e Puplave” i dha famën e madhe Bekim Fehmiut. Filmi me regji të Aleksandër Sasha Petroviqit, fitoi në Festivalin e Kanës në vitin 1967, çmimin special dhe çmimin FIPRESCI.

Fehmiu ka lindur në Sarajevë në vitin 1936 dhe ka diplomuar në Akademinë e Arteve Dramatike në Beograd, në klasën e profesorit Mato Milosheviq. Ai ka qenë shqiptari i parë nga Kosova që është bërë aktor profesional. Fehmiu e ka filluar karrierën e tij si student në vitin 1953, kur luajti një rol episodik në komedinë “Djaloshi i komunës”, me regji të Soja Jovanoviqit e bazuar në një shfaqje të dramaturgut Branislav Nushiq. Roli tjetër i tij ishte më i rëndësishëm, në “Saša”, që ishte një film artistik për luftën, në të cilin ai luajti përkrah yjeve më të njohura të filmit në Jugosllavi.

Temat
Art

Të afërta

  • Bujarija dhe Refugjatët: Kosovarët në Mërgim

    Bujaria dhe Refugjatët: Kosovarët në Ekzil (Brill, Maj 2018) është një vepër historie që studion kontekstet politike dhe sociale që refugjatët Kosovarë i ndeshën kur lëshuan atdheun e tyre...
  • Ilir Shaqiri promovon librin “Adem Jashari”

    Shumë këngë ia kushtoi Adem Jasharit. E për komandantin legjendar, Ilir Shaqiri shkroi edhe libër. Të hënën në akademinë letrare të organizuar nga lidhja e shkrimtarëve ky promovoi poemën...
  • Vdes këngëtari Nijazi Bytyqi

    Muzikës shqiptare iu largua nga kjo botë një këngëtar i njohur. Bëhet fjalë për këngëtarin Nijazi Bytyqi, i cili ndërroi jetë në moshën 72 vjeçare, shkruan lajmi. Bytyqi ishte...
  • Shuhet aktori i njohur shqiptar!

    Ka ndërruar jetë në moshën 66-vjeçare si pasojë e një sëmundjeje të rëndë aktori dhe regjisori i njohur shqiptar, Lisenko Malaj. Vitet e fundit ai ka jetuar në Itali....