Shumë shpejt robotët do të shkruajnë artikuj për ndeshjet, si ajo e Liverpool kundër Manchester United.
Shoqata e medieve në Mbretërinë e Bashkuar shumë shpejt do të fillojë me aplikimin e Inteligjencës Artificiale për të shkruar artikuj të ndryshëm, transmeton Express. Pete Clifton nga kjo shoqatë ka treguar në konferencën e editorëve ka deklaruar se brenda disa muajve gazetarët robotë do të fillojnë të shkruajnë raporte të automatizuara për ndeshjet e futbollit dhe rezultatet zgjedhore.
Sipas tij, kjo nuk do të zëvendësojë gazetarët, të cilët bëjnë një punë të mrekullueshme, por do të jetë ndihmesë sa i përket publikimit të raporteve të ndryshme.
Gjithsesi, kjo është një dëshmi se kemi hyrë në epokën e Inteligjencës Artificiale, ashtu siç është paraqitur në shumë filma fantastikë-shkencor, në një të ardhme jo të largët, robotët do të zëvendësojnë njerëzit në shumë fusha.
