Çfarë i tha për “Trepçën”, shefi i ushtrisë serbe, komandantit të KFOR-it?

Shefi i ushtrisë serbe, Ljubisha Dikoviq u takua sot në Nish me komandantin e KFOR-it, Gjeneral Major Giovanni Fungo me të cilin diskutuan për gjendjen aktuale të sigurisë në Kosovë.

Ky është takimi i parë i dy gjeneralëve qëkur Fungo morri komandën e forcave të misionit të Aleancës Veri-Atlantike në Kosovë gjatë muajit shtator.

Duke vlerësuar bashkëpunimin e deritanishëm të Ushtrisë Serbe dhe KFOR-it si të suksesshëm, Dikoviq ka theksuar se KFOR- duhet të përkujdeset për sigurinë e të gjithë qytetarëve të Kosovës, raporton Radiokim.

“Ai ka thënë se institucionet e njëanshme të Prishtinës, sa i përket statusit të “Trepçës” janë kërcënim për situatën e brishtë të sigurisë në Kosovë dhe i kërkoi komandantit të KFOR-it për të marrë të gjitha masat për të ruajtur paqen dhe sigurinë e qytetarëve”, thuhet në një njoftim për media të ministrisë së mbrojtjes së Serbisë, përcjellë Klan Kosova.

Temat
LajmeVend

Të afërta