Gjilan: Pesë të arrestuar për drogë dhe armë

Policia e Kosovës ka arrestuar pesë persona në Gjilan të cilët dyshohen për “blerje, posedim, shpërndarje dhe shitjen e paautorizuar e narkotikëve , substancave psikotrope dhe analoge si dhe...

Policia e Kosovës ka arrestuar pesë persona në Gjilan të cilët dyshohen për “blerje, posedim, shpërndarje dhe shitjen e paautorizuar e narkotikëve , substancave psikotrope dhe analoge si dhe mbajtje në pronësi, kontroll ose posedim të paautorizuar të armëve”.

B.V., A. H., Sh. Ll., P. B. dhe E. M. janë arrestuar në fshatin Koretin.

Personat e dyshuar janë intervistuar në prezencë të avokatit mbrojtës dhe pas intervistimit të gjithë personat e dyshuar janë ndaluar për 48 orë me aktvendim të prokurorit të shtetit, perderisa rasti është duke u hetuar edhe më tej.

Ndërsa gjërat e sekuestruara nga Policia janë këto:

Tri paketime me substancë narkotike të llojit marihuanë me peshë 13.395 gramë

Një revole TT e cal. 7. 62 me një karikator me 8 fishekë

Dy vetura të cilat kanë qenë duke i vozitur të dyshuarit

205 euro

800 dinar të Serbisë

1020 lekë të Shqipërisë

5 telefona celularë

Temat
LajmeVend

Të afërta

Facebook Auto Publish Powered By : XYZScripts.com