Adi Krasta e “tenton” sërish, i kthehet prezantimit të “E Diell”

Top Channel, në larminë e programeve që po sjell në sezonin e ri televiziv, është duke afruar edhe emrat më të mirë në prezantimin e tyre. I radhës që...

Top Channel, në larminë e programeve që po sjell në sezonin e ri televiziv, është duke afruar edhe emrat më të mirë në prezantimin e tyre.

I radhës që i bashkohet skuadrës së Top Channel është një prej personazheve më karizmatikë të prezantimit të televizioneve shqiptare: Adi Krasta.

Krastës i është besuar drejtimi i programit të madh të çdo të diele në Top Channel, “E Diell”, në të cilin ai do të jetë i shoqëruar nga një staf profesional i televizionit më të madh në vend.

Ky është një rikthim i Adi Kratës në skuadrën e Top Channel, pas eksperiencave fillimisht me emisionin e mëngjesit “New Day”, “quiz show” “100 milionë” e për të vijuar më pas me drejtimin e programit “E Diell” për dy sezone.

Katalogu i programeve të Top Channel për sezonin e ri ka nisur të shfletohet, shumë surpriza të tjera do të shfaqen në javët në vijim.

Temat
Rajon

Të afërta