Të gjitha partitë parlamentare e përkrahën propozimin e parashtruar nga Shefi i Grupit Parlamentar të LDK’së, Ismet Beqiri, i cili kërkoi që sot në rend dite të jetë vetëm Projektligji për Trepçën
Në fillim të seancës të parët që u deklaruan kundër këtij propozimi ishte Lista Serbe, ku Shefi i Grupit Parlamentar të Listës Serbe, Slavko Simiç, tha se janë kundër Projektligjit për Trepçën, shkruan Gazeta Express.
Slavko Simiç tha se kjo formë e Projektligjit i rrezikon punëtorët dhe popullatën serbe.
Menjëherë pas tyre, Lëvizja Vetëvendosje shpalosi qëndrimin e tyre.
Në seancën plenare ku po diskutohet Projektligji për Trepçën, Kryetari i Lëvizjes Vetëvendosje, Visar Ymeri ka shprehur se Qeveria po miraton Trepçën sot për ta shitur më pas, andaj qëndrimi i partisë është se mund të abstenojnë.
Deputetët e VV’së nuk e konfirmuan as prezencën e tyre përmes mjeteve elektronike në seancë, por as nuk po votojnë në asnjë variant.
