20:01, 26 Korrik 2016 692 Shpërndarje
Përleshje para stadiumit “Elbasan Arena” mes tifozëve të kuq dhe policisë.
Ka qenë një moment i pakëndshëm, kur autobusi i ekipit të Red Bull Salzburgut po parkonte në sheshin para impiantit dhe një prej ultrasve të kuq shkoi afër dhe goditi me shkop xhamin e parë, shkruan Panorama.
Në moment ndërhyn policia, që shoqëroi me forcë tifozin dhe këtu nisi përleshja. Ultrasit e kuq tensionohen dhe kapen me forcat e rendit, teksa për pak minuta situata është agravuar.
Lojtarët e Salzburgut kanë qenë të qetë, duke mos u ndikuar aspak nga ky incident.
Kujtojmë se Partizani do të luaj sonte kundër Salsburgut në kuadër të Ligës së Kampionëve.
