Nëna e dëshmorit Kadri Latifaj, Gale Latifaj tash e 17 vite përkujdeset vet për pllakën përkujtimore të të birit, i cili në vitin 1998 u vra në Betejën e Prilepit, betejë kjo e cila llogaritet të jetë si njëra ndër më të gjata dhe më të ashpra në mes të forcave serbe dhe atyre ish-Ushtrisë Çlirimtare të Kosovës.
Nëna Gale e cila është 77-vjeçare, përveç dhimbjes për humbjen e të birit, brengë të saj ka edhe mospërkujdesjen dhe mosinteresimin e institucioneve të vendit për familjet e dëshmorëve, përkujdesjen ndaj varrezave të tyre e mirëmbajtjen e përmendoreve, transmeton “zeri.info”.
