Një marrëveshje preeliminare për të shitur Milanin te një grup investuesish kinezë do të firmoset të hënën, raportoi “Corriere dello Sport”.
Raportimet në ditët e fundit janë shtuar se presidenti Silvio Berlusconi është pranë shitjes së klubit te një konsorcium kinez, ndonëse identiteti i blerësit ka mbetur anonim.
Mirëpo, raportohet se pronarët e Alibabas janë ata që janë prapa ofertës. Marrëveshja preeliminare do të firmoset të hënën, ndërsa afati i fundit për kompletimin e blerjes së 70 për qind të aksioneve do të jetë në qershor.
Tridhjetë për qind të tjera të aksioneve do të shiten nga firma Fininvest, kompania e themeluar nga Berlusconi, brenda periudhës njëvjeçare. Marrëveshja e blerjes së Milanit pritet të jetë e vlefshme rreth 700 milionë euro.
